الدبش و تكاسي الدبش

يعني ايه تكاسي دبش ؟

الدبش يعني ايه طيب خلينا نبسطها شوية التكاسي دبش . الموضوع مقسوم لكلمتين الكلمه الأولى هي تكاسي ودى متاخدة من كلمة تكسيه او كسوه . يعني اللى معناها تغطية الشئ . الكلمه الثانية دبش وساعات تتسمي تدبيش وهي جاية من الدبش برده معناها استخدامالحجارة ، طيب وايه هو اصلا الدبش ده . هو حجر او طوب كبير الحجم نسبيا وشكله غير منتظم و مش متساوي الاطراف . و مش متليس سطحه الخارجي بتاعه وبيتسمي غشيم يعني مش متوضب وخلينا نقول انك هتسمع الكلام ده بأكثر من طريقة في حجر التكاسي . دبش تكاسی و مبانی دبش، ميول دبش وهنحاول نشرحهم بطريقة مبسطه

إزاى بيتم تجهيز تكاسي الدبش

خلينا الأول نتفق انه معظم اعمال التكاسي بتتم في نفس مكان الانشاء او التكسية أي ماسمناها في الموقع يعني. وهنشوف بيتم تجهيزها ازاي عشان يبتدي

يستخدم في التدبيش

طبعا بيتم تقطيع الاحجار لقطع صغيرة أو بمعني ادق الاحجار الكبيرة الحجم جدا اللي بتستخرج من المحاجر فى الجبال . بطرق كثير زى اى حجر طبيعي من اللى انتشر استخدامها في الديكورات الحجرية الايام الاخيره . بيتم تقطيعها الى احجام اصغر ينفع نقلها والتعامل معاها بسهولة للموقع المطلوب التعيش أو التكاسي له .

 وغالبا المكان بيبقى اما سور لحماية منطقة او سور لحمايه الناس من حاجة . زى التدبيش اللى بنشوفه حوالين قضبان السكك الحديد و المترو او على أطراف المجاري المائية وغيره. .

خطوات تجهيز تكاسي الدبش

بعد تقطيع الحجر او ونقله للمكان بيتم تجهيزه بالطريقة دي :

يتساوى و يستعدل جوانب الحجر الأربعة . وخلينا نقول ان الجزء اللي بيتلحم منه الحجر في الحجر اللي جنبه ( وطبعا من الناحيتين بيتلحم فى اللى جنبه ) أسمه اللحام . وبالتالي بتسمي الجنبين دول اللحامين  اما الجانبين الي بنحط الحجر عليهم من تحت علي الارض او قاعده ومن فوقه الحجر الي في الصف الي بعده اسمهم المرقدان .

تجهيز وش وظهر الحجر او واجهة كدا فاضل وش الحجر او وجهه الحجر الي احنا بنشوفها . وظهر الحجر الي بيتلزق في المكان المحفور نفسة او في جانب الطريق او المجري المائي . بيتم تسويه وتنعيم الواجهة علي قد منقدر وعلي حسب المطلوب فيه التكاسي خاصه لو المكان ده هيكون قريب للناس ويتعاملو معاه مباشره فالافضل يتم تنعيمة بقدر المستطاع

اخر حاجة بقي في التجهيز هي انك تجهز موقع التدبيش نفسة . او مكان التكاسي بحيث تبقى متأكد من ان المرقدان بتوع الحجر متوازيين مع المرقد بتاع الموقع الطبيعي ) يعني مكان رقود الحجر او الدبشة ، قاعدة تركيبه ).

وكذا بقى يبقى الموقع والدبش جاهز للتكاسي او التركيب ، وبنختار المونة المناسبة للمكان وللشكل المطلوب تدبيشه وتستعملها . ولان معظم الوقت التكاسي يتميز برخص السعر وبتستخدم ميزانية صغيرة او محددة فيتحاول تقليل التكاليف قدر الامكان و أشهر المون اللى بتستخدم للتثبيت الاسمنت والجير والجبس . طيب خلاص كدا ؟؟ لا طبعا تعالى اقولك عن أشهر انواع مبانيه .

أنواع المباني التكاسي

خلينا برده متفقين أن اعمال الدبش مش بتختلف كثير عن بعض وأنواعها بس بتختلف في حاجات بسيطة زى طريقة التهذيب المباني وهشرح كل نوع منهم

مباني الدبش البلدي مقلب : ده نوع من المباني او يعني التكاسي بيكون مبنعملش فيه اى استعدال او تهذيب للحجر ولا نحته و بنبني الدبش على وضعه ولا بنحاول حتى توحيد مقاساته الا فقط تسويه الوجه بتاع الحجرة بس ويترص وتتملي

الفراغات بالمونة يعنى ملهوش مدماك محدد.

مباني دبش بلدى مخصص . ويعتبر النوع ده هو مش مختلف عن النوع اللي فات لكن في النوع ده بنحدد مدماك . يعنى بالعربي كدا تقدر تمسك صف وتمشي معاه هتلاقيه محدد ومش معنى انه محدد بمدماك ان كل الاحجار اللى في المدماك نفس الحجم او الارتفاع لكن اللي بيحدد ارتفاع المدماك او الصف هو ارتفاع اكبر طوبه فيه .‏

احتياطات ومفاهيم أساسية فى تركيب تكاسي دبش تحمل بناء الدبش متوقف على صلابة و متانة البناء وعشان كذا لازم

تتأكد من ان الحجر مترابط ببعضه بشكل قوي عشان يتحمل الضغوط والتحميل عليه.

الصلاية ومتانة البناء وقوة تحمله حالتين : الأولى ان الحجر يكون غشيم ومستخدم على وضعه باحجام مختلفة واشكال غير محددة ساعتها لازم الاعتماد يكون على المونة نوعها وصلابتها هو اللى بيساعد

على متانه البناء

الثانية بقى لذا الحجر متعذب منحوت ومتساوى ومتقارب في مقاسه واشكاله

بيكون اعتماد الصلابه ومتانة البناء على نوع وجودة الحجر اكثر منه على المونة بده تكون حاولنا نوضع قدر المستطاع موضوع التدبش .